Jagriti

Aye sota manav jaag tu
vipreet paristhitiyon se naa bhag tu,
mehnat kar aage badh
anjam se tu kabhi na dar,
jo soch- soch ghabrayega
bhavishya mein bada pachhtayega,
tere andar hai woh taaqat
hil sakta hai jis se sampurna jagat,
aatmbal kaa tu ehsaas kar
mushkilon kaa tu haas kar,
apni mutthi khol de
duniya ko tu tol de,
durgam ko dikhla de seena
batla de sabko kise kehte hain jeena.